Michel & Amazonka брэнд арван жилийн түүхэн аяллаа эрхэм үйлчлүүлэгчид, хамтрагч байгууллагууд, бүтээлч хамт олонтойгоо бахархал, амжилтаар дүүрэн тэмдэглэлээ. Энэхүү онцгой ойн арга хэмжээнд зориулан бид “Mongolian Four Seasons 2025” нэртэй, Монгол орны дөрвөн улирлын өнгө төрх, уур амьсгал, соёлын уянга, түүхийн хэлхээг хувцас загварын урлагт шингээсэн 100 гаруй давтагдашгүй бүтээлтэй загварын шоуг толилуулан тайзнаа үзүүлэв.
Хотын зүрхэнд орших “Улаанбаатар Галлериа” худалдааны төвд байрлах дэлгүүр маань өөр байршилд шилжиж, шинэ өнгө төрхтэйгээр нээгдлээ. Бид дэлгүүрийнхээ дотоод заслыг орчин үеийн интерьерийн шийдэл, уламжлалт хээ хуарыг хослуулан илүү сэтгэл татам, тав тухтай байдлыг гаргахаар зорин гүйцэтгэлээ.
Анх 2013 онд дизайнеруудын санаачлагаар зохион байгуулж байсан Дээлтэй уулзалт арга хэмжээ нь залуусыг Монгол үндэсний баяр болох цагаан сарыг хөгжилтэйгөөр өргөн тэмдэглэдэг болгоход чиглэсэн арга хэмжээ юм.
